Россия қуролли кучлари 21 июлга ўтар кечаси ракета ва дронлар қўллаган ҳолда Киев бўйлаб навбатдаги ёпирилма ҳужумни амалга оширди.

Шаҳар ҳарбий маъмурияти раҳбари Тимур Ткаченконинг маълум қилишича, ҳужум оқибатида бир киши ҳалок бўлиб, етти киши яраланган. Ткаченконинг сўзларига кўра, фуқаролик инфратузилмаси объектлари ҳамда турар жой кварталлари зарба остида қолган. Энг кўп Дарнитский райони жабрланган, бу ерда болалар боғчаси, супермаркет, омборлар ва бошқа нотурар жой биноларида ёнғинлар чиққан.

Шевченково районида кўп квартирали турар жой, шунингдек, “Лукяновская” метро станцияси жабрланган. Украина қуролли кучлари ҳаво кучлари маълум қилишича, россиялик ҳарбийлар Украинага тун давомида 426 та учувчисиз учар қурилма (зарбдор дронлардан ташқари имитаторлар ҳам), шунингдек турли типдаги 24 та ракетадан фойдаланган ҳолда ҳужум уюштирган. Украина ҳаво ҳужумидан мудофаа кучлари “Shaheed” русумли 200 та дронни уриб туширган ва “ракеталарнинг кўпчилигини мўлжалдан оғдирган”, 203 та имитатор дрон нишонгача етиб бормаган, дейилади Украина қуролли кучлари баёнотида.

• Россия
• Украина
• Уруш