“Тошкент шаҳар Учтепа туманида фуқаро собиқ рафиқасига тўрт фарзанди учун 2,4 млрд сўм миқдорида алимент пулини олдиндан тўлади”, – деб хабар бермоқда Мажбурий ижро бюроси.

Хабарга кўра, эркак вояга етмаган 4 нафар фарзандлари таъминоти учун то улар вояга етгунига қадар олдиндан алимент миқдорини ҳисоблаб беришни сўраб ариза билан мурожаат қилган. Келгуси 16 йил давомида тўлаши керак бўлган алимент пуллари ҳисоблаб чиқилган бўлиб, у 2 миллиард 442 миллион 482 минг сўмни ташкил этган.

Қарздор ота ушбу миқдордаги алимент пулларини уй кўринишида собиқ рафиқасига тўлаб берган ва ижро ҳужжати амалда тамомланган.

Шундай қилиб, Ўзбекистонда ундирилган алимент миқдори бўйича рекорд янгиланди. Аввалроқ нукуслик фуқаро алимент сифатида 2,2 миллиард сўмни олдиндан тўлаб берган эди.

• Алимент
• МИБ
• Тошкент
• Uchtepa
• рекорд