Фавқулодда вазиятлар вазирлигининг маълум қилишича, 19 август куни соат 00:45 да Бухоро вилояти, Бухоро шаҳар, Зарафшон МФЙ, Мустақиллик кўчасида жойлашган 2 қаватли Ошхонанинг 2-қаватида ёнғин содир бўлганлиги тўғрисида ФВБга хабар келиб тушган.

Шунга кўра, 5 та ёнғин-қутқарув экипажи соат 00:49 да ҳодиса жойига етиб бориб, ёнғин соат 00:53 да ўраб олинган ва соат 01:50 да ўчирилган.

“Ёнғин натижасида тахминан 100 кв.м майдонда том қисми зарарланган”, – дейилади хабарда.

Тан жароҳати олганлар тўғрисида мурожаатлар келиб тушмаган. Ҳозирда ёнғин сабаби ва моддий зарар миқдори аниқланаётгани билдирилган.

• Бухоро
• ёнғин