Бош прокуратура ҳузуридаги Департаментнинг Бухоро вилояти бошқармаси ва бошқа ҳуқуқни муҳофаза қилувчи орган ходимлари ҳамкорлигида ўтказилган терговга қадар текширувларда Шофиркон туманида фаолият юритувчи “Б-Т.” фермер хўжалиги раҳбари Т.Ж. хўжаликнинг суғориладиган 0,6 гектар ер майдонини ҳеч қандай ҳужжатсиз фуқаро Ж.У.га қумдан олтин зарраларини ажратиб олиш фаолиятини амалга ошириши учун берганлиги натижасида, давлат ва жамият манфаатларига 475,5 млн сўм зарар етказилганлиги аниқланган.

Шунингдек, ушбу тумандаги “Р.Н.” фермер хўжалиги иш бошқарувчиси Д.С. хўжаликнинг 0,4 гектар суғориладиган ер майдонида ноқонуний қумдан олтин зарраларини ажратиб олиш фаолиятини амалга ошириб келганлиги натижасида давлат ва жамият манфаатларига 187,1 млн сўм зарар етказганлиги аниқланган.

Бу ҳақда Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти ахборот хизмати маълум қилди.

“Мазкур ҳолатлар юзасидан Жиноят кодексининг 229-6-моддаси (суғориладиган ер участкасига ёки унинг бир қисмига бўлган ҳуқуқни сотиш ёхуд қонунга хилоф равишда бошқача тарзда ўзга шахсга бериш) билан жиноят ишлари қўзғатилиб, тергов ҳаракатлари ўтказилмоқда”, – дейилади хабарда.

• Бухоро
• Олтин
• Прокуратура