Саудиянинг “Ал-Иттиҳод” клуби ижтимоий тармоқдаги саҳифасида ҳужумчи Карим Бенземанинг трансферини эълон қилди.

“Бензема биз билан. Иттиҳодга хуш келибсиз”, – деб ёзди “йўлбарслар” лақабли клуб матбуот хизмати.

Қайд этилишича, шартнома 2026 йилгача мўлжалланган. Инсайдер Фабрицио Романонинг ёзишича, Бенземанинг йиллик маоши тижорий келишувлар эвазига 200 миллион еврога етиши мумкин.

Эслатиб ўтиш мумкин, “Ал-Иттиҳод” Роналду тўп тепаётган “Ал-Наср”ни ортда қолдириб, Саудия Арабистони чемпиони бўлди.

Маълумот ўрнида, Карим “қаймоқранглилар” сафида 14 мавсум ўйнади, клубнинг 647 та ўйинида қатнашиб, 353 та гол урди.

Жорий мавсумда футболчи 23 та ўйинда майдонга тушиб, ўз ҳисобига 18 та гол ва 3 та ассист ёздириб қўйди.

• Бензема
• Футбол
• Саудия Арабистони