Голливуд фильмларининг намойиши тўхтатилиши туфайли Россиянинг энг йирик кино тармоқлари 2022 йилда миллиардлаб доллар зарар кўрди ва уларнинг даромади ўтган йилга нисбатан қарийб икки баравар камайди. Бу ҳақда RBC хабар берган.

Манбанинг маълум қилишича, Москвадаги 65 та кинотеатрни бошқарадиган “Formula Kino” ва “Cinema Park” бирлашган кино тармоғининг даромади 2022 йилда 43,2 фоизга камайиб, 4,6 миллиард рублни ташкил қилган. Ўтган йил учун кино тармоғининг соф зарари 1,8 миллиард рублни ташкил этган.

“Karpo” кинотеатрлар тармоғининг даромади 41,8 фоизга камайган, 2022 йилда 1,3 миллиард рубль соф зарар кўрган.

“Kinomax” кинотеатрлар тармоғининг ўтган йили даромади 2 миллиард рублни ташкил этиб, 2021 йилга нисбатан 46,6 фоизга камайган. Ғарб фильмлари кетганидан кейин соф йўқотиш эса 1 млрд рублга етган.

“Cinema Star” кинотеатрлар тармоғини бошқарадиган компаниянинг даромади 2022 йил учун 491,5 миллион рублни ташкил этди (таққослаш учун, ташкилотнинг даромади 2021 йилда 880,8 миллион эди).

Маълум қилинишича, 2023-йил учун бозор иштирокчиларининг прогнозлари оптимистик бўлишига қарамай, кино саноати мутасаддилари ҳали ҳам ҳокимиятдан мақсадли ёрдам сўрамоқда.

• Кино
• Россия
• голливуд