“Ўзбекистон Бош консулхонаси томонидан Вазирлар Маҳкамаси ҳузуридаги Миграция агентлигининг Новосибирск шаҳридаги ваколатхонаси билан биргаликда Россиянинг Томск вилоятида оғир касалликка чалинган ўзбекистонлик ватанга қайтарилди”, – деб хабар қилмоқда “Дунё” ахборот агентлиги.

Бош консулхонадан олинган маълумотга кўра, Томск вилоятига ишлаш учун келган фуқаро Б.Х. танасининг бир қисми ишламай қолгани ва мустақил ҳаракат қилиш имкониятидан маҳрум бўлганлиги сабабли ушбу вилоятдаги 2-сонли клиник шифохонаси ётқизилган.

Россиялик шифокорлар Б.Х.га барча зарур тиббий муолажаларни амалга оширган.

Беморнинг аҳволи оғирлиги инобатга олиниб, Бош консулхона ва Миграция агентлиги томонидан унинг Ўзбекистонга қайтиши учун зарур кўмак кўрсатилган ҳамда самолётда ватанга кузатиб қўйилган.

• Касаллик
• Ўзбекистон
• Россия