Самарқанд вилоятининг Ургут туманида йўл-транспорт ҳодисаси содир бўлди. Бу ҳақда туман ҳокимлиги матбуот хизмати хабар берди.

ЙТҲ 20 август куни соат 00:36 атрофида Боғишамол маҳалласи ҳудудидан ўтувчи 4Р-47 автомобил йўлининг 59-километрида содир бўлган.

Эркак йўлнинг тартибга солинмаган қисмини кесиб ўтган. Шу пайт уни катта тезликда кетаётган Маlibu-2 ҳайдовчиси уриб юборган.

Фуқаро энг яқин шифохонага етказилган. Эркак унга кўрсатилган ёрдамга қарамай, "реанимация"да вафот этди.

Ҳозирда ҳуқуқ-тартибот идоралари ходимлари томонидан терговга қадар текширув ишлари олиб борилмоқда.

• Avtohalokat
• Самарқанд