35 ёшли ҳужумчининг ПСЖ билан шартномаси ёзгача амал қилади ва у яна бир йилга узайтирилиши мумкин.
Агар Месси парижликлар билан шартномани узайтирмаса, уни қўлга киритиш учун Саудия Арабистони олий лигаси клублари жиддий бел боғлайди, деб хабар беради ESPN.
Саудия клублари Роналду сингари Месси ҳам йилига 200 миллион доллардан кам бўлмаган маош эвазига араб диёрида ўйнашини исташмоқда.
Мамлакат профессионал клубларига етти нафар хорижлик футболчини рўйхатдан ўтказишга рухсат берилган, бироқ лигага кўпроқ хорижлик ўйинчиларни жалб қилиш мақсадида бу чеклов саккизтага оширилади.
Малумотларга кўра, Саудия клублари Европанинг энг яхши футболчиларини қўлга киритишда ёрдам олади. Бу айнан қандай ёрдамлиги ва уни ким бериши аниқланмаган.
Олдинроқ «Ал-Ҳилол» ва «Ал-Иттиҳод» клублари йилига 350 миллион евро эвазига Мессини ўз сафига қўшиб олишга тайёр экани ҳақида хабар берилганди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!