Швейсариянинг ғарбий қисмидаги кичик шаҳарчада автобус ёнғинида камида 6 киши ҳалок бўлди. Бу ҳақда The Associated Press хабар берди.

Хабарга кўра, воқеа кеча, 10 март куни содир бўлган. Фрибоург шаҳар полициясининг маълумотига кўра, автобус Швейсария пойтахти Берндан тахминан 20 км узоқликда жойлашган Фрибоург кантонидаги Керзерс шаҳарчасидаги йўлда аланга ичида қолган.

“Ҳозирги босқичда автобус ичида бўлган шахс томонидан қасддан қилинган ҳаракатни кўрсатувчи элементлар мавжуд”, – деган Фрибоург полицияси вакили Фредерик.

Ёнғин оқибатида камида олти киши ҳалок бўлган ва яна уч киши касалхонага ётқизилган.

Швейсария Президенти Гай Пармелин ҳамдардлик билдириб, воқеа тергов қилинаётгани ҳақида хабар берган.

• Автобус
• Shveysiya
• ёнғин