Бугун, 29 январь, якшанба куни Нидерландияда ўтган «Tata Steel Chess 2023» мусобақасида сўнгги тур баҳслари бўлиб ўтди.

Мастерс турнирида иштирок этган Нодирбек Абдусатторов 13-турда мезбон шахматчи Ёрден ван Форестга қарши дона сурди.

Оқ доналарда ҳаракат қилган Нодирбек мағлубиятга учради ва 8 очко (4 ғалаба, 8 дуранг, 1 мағлубият) билан мусобақани иккинчи ўринда якунлади.

Аниш Гири 8,5 очко билан мусобақа ғолибига айланди. Магнус Карлсен (8) эса кучли учликдан жой олди.

Қайд этиш мумкин, Абдусаттаров классик шахматдаги илк катта турнирида узоқ вақт давомида пешқадам бўлиб турди. У амалдаги жаҳон чемпиони Магнус Карлсенни мағлуб этишга эришди.

Чалленжерс мусобақасида иштирок этган Жавоҳир Синдоров 13-турда ғалаба қозонди ва 8,5 очко билан учинчи ўринни қўлга киритди.

• Нидерландия
• Nodirbek Abdusattorov
• Шахмат