Шота Руставели кўчасида давом этаётган қурилиш-монтаж ишлари сабабли дам олиш кунларида Ш.Руставели ва Бобур кўчалари чорраҳасида қуйидаги чекловлар амал қилади:

1. Бобур кўчасининг Ш.Руставели кўчаси чорраҳасидан Нукус кўчаси билан кесишмасигача бўлган бир томонлама йўналиш қисми 25 июль 22:00 дан 26 июль 06:00 гача ёпилади (кўрсатилган давр мобайнида бошқа йўналиш иштирокчиларига чорраҳа орқали фақат ўнгга бурилишга рухсат этилади);

2. 25 июль 22:00 дан 28 июль 03:00 гача чорраҳа орқали:

- Бобур кўчаси йўналишида ҳаракатланганда тўғрига ва чапга ҳаракатланиш мумкин эмас (ўнгга бурилишга рухсат этилади);

- Ш.Руставели кўчаси йўналишида ҳаракатланганда чапга бурилиш мумкин эмас (тўғрига ва ўнгга ҳаракатланишга рухсат этилади).

Қурилиш-монтаж ишларининг чорраҳалардаги қисмлари имкон қадар ҳаракатни бутунлай тўхтатиб қўймаган ҳолда ҳамда ноқулайликларни камайтириш мақсадида айнан дам олиш кунларида амалга оширилмоқда.

“Ноқулайликлар учун узр сўраймиз” – дейилади ҳокимлик баёнотида.

• Баёнот
• Ҳокимлик
• Йўл қурилиш
• ta’mirlash