Ижтимоий тармоқлар орқали Сирдарёда “Жигули” ҳайдовчиси итини ўлдириб, калласини машинага ёпиштириб ҳаракатлангани акс этган тасвирлар тарқалди. Ҳолат юзасидан вилоят ИИБ ахборот хизмати изоҳ берди.

Қайд этилишича, ИИБ масъул ходимлари томонидан автомашина ҳайдовчисининг шахси аниқланиб, ҳолатга ойдинлик киритилган.

Таъкидланишича, автомобиль ҳайдовчиси Гулистон шаҳрида яшовчи 1988 йилда туғилган фуқаро А.А. жорий йилнинг 28 ноябрь куни ўзига қарашли фермадан яшаш хонадонига олиб кетиш мақсадида итни автомашина юкхонасига жойлаган. Олиб кетилаётган вақтда ит автомашина ёқилғи қуйиш баки қопқоғидан бошини чиқариб олган ва ушбу ҳолат ижтимоий тармоқ фойдаланувчилари томонидан суратга олиниб нотўғри талқин қилинган.

“Ҳолат юзасидан масъул ходимлар томонидан ҳайдовчига профилактик тушунтиришлар берилиб, хавфсизлик қоидаларига амал қилиш юзасидан огоҳлантирилди”, – дейилади хабарда.

• ИИБ
• Jamoat xavfsizligi
• Сирдарё