Скандинавия мамлакатлари ташқи ишлар вазирлари Украина президенти Володимир Зеленский билан учрашиш масаласини кўриб чиқмоқда.

Қайд этилишича, Норвегия ташқи ишлар вазири Анникен Хуитфельдт НРК телеканалига берган интервьюсида Скандинавия мамлакатлари ташқи ишлар вазирлари билан биргаликда Киевда Володимир Зеленский билан учрашиш имконияти кўриб чиқаилаётганини маълум қилди.

Аввалроқ, Зеленский Россия доимий аъзо сифатида вето ҳуқуқига эга бўлган БМТ Хавфсизлик кенгашидаги чиқишида Кенгашнинг ўзини тарқатиб юбориш ёки Россия Федерациясини унинг аъзолигидан чиқаришни таклиф қилди. 

БМТ Низомига кўра, Хавфсизлик Кенгашининг доимий аъзоси розилигисиз ҳеч қандай қарор қабул қилиниши мумкин эмас.

“Энди бизга БМТ Хавфсизлик кенгашининг Украинада тинчликни тиклашга қаратилган қарорлари керак. Агар бундай қарорни қандай қабул қилишни билмасангиз, унда сиз иккита нарсани қилишингиз мумкин: Россияни тажовузкор ва уруш манбаи сифатида четлаб ўтиш, унинг тажовузкорлиги ва урушига оид қарорларни блоклай олмайсиз. Хавфсизлик тизимини ислоҳ қилинг ёки бошқа йўл ва муқобил бўлмаса, барчангиз ўзингизни тарқатиб юборинг”, – деди Зеленский Хавфсизлик кенгашида сўзлаган видео мулоқотида.

Унинг фикрича, БМТ Россиянинг Украинада давом этаётган махсус “ҳарбий амалиёти”га самарали жавоб бера олмайди. Бундай шароитда Украина Киевда глобал хавфсизлик тизимини ислоҳ қилишга бағишланган глобал конференция ўтказиш ташаббуси билан чиқмоқда.
 

• БМТ
• Норвегия
• Россия
• Skandinaviya
• Украина