Сенатнинг қирқ биринчи ялпи мажлисида Ўзбекистон Республикаси Олий суди ҳамда Судьялар олий кенгаши таркибига ўзгартиришлар киритиш тўғрисидаги масала ҳам кўриб чиқилди.

Олий Мажлис Сенатининг 2023 йил 2 июндаги Қарорига мувофиқ 9 нафар судья Олий суд судьяси лавозимига сайланди:

Нурали Жавлиев (1981 йилда Қашқадарё вилоятида туғилган, Тошкент шаҳар маъмурий судининг судьяси лавозимида ишлаган);

Нодиржон Хаджиматов (1983 йилда Фарғона вилоятида туғилган, Фарғона вилоят маъмурий судининг судьяси лавозимида ишлаган);

Шарофиддин Болиев (1982 йилда Жиззах вилоятида туғилган, Жиззах вилоят маъмурий судининг судьяси лавозимида ишлаган);

Дурдонахон Абдукахарова (1980 йилда Тошкент шаҳрида туғилган, Тошкент шаҳар судининг фуқаролик ишлари бўйича судьяси лавозимида ишлаган);

Абатбай Аяпов (1984 йилда Қорақалпоғистон Республикасида туғилган, Қорақалпоғистон Республикаси судининг фуқаролик ишлари бўйича судьяси лавозимида ишлаган);

Элбекжон Тургунбоев (1983 йилда Фарғона вилоятида туғилган, Тошкент шаҳар судининг жиноят ишлари бўйича судьяси лавозимида ишлаган);

Лутфулла Мамаражабов (1980 йилда Жиззах вилоятида туғилган, Жиззах вилоят судининг жиноят ишлари бўйича судьяси лавозимида ишлаган);

Зоир Рустамов (1981 йилда Сурхондарё вилоятида туғилган, Сурхондарё вилоятининг иқтисодий ишлар бўйича судьяси лавозимида ишлаган);

Феруз Ражабов (1983 йилда Бухоро вилоятида туғилган, Бухоро вилоят судининг иқтисодий ишлар бўйича судьяси лавозимида ишлаган) ўн йиллик муддатга Олий суд судьяси лавозимига сайланди.

• Суд
• Тайинлов