Сурхондарё вилоятида вояга етмаган қизларга ижара уйида диний таълим бериб келаётган эркак ушланди. Бу ҳақда вилоят ИИБ матбуот хизмати хабар берди.

Жорий йилнинг 18 май куни, Жарқўрғон тумани ИИБ Терроризм ва экстремизмга қарши курашиш гуруҳи ходимлари томонидан Жарқўрғон тумани ҳудудида ўтказилган тезкор тадбир натижасида, Д.Анвар (исм шарифлар ўзгартирилган) ўзининг ижарадаги яшаш уйида 2022 йил 18 август куни соат 09:30ларда ушбу маҳаллада яшовчи, мактаб ўқувчилари вояга етмаган қизларга ҳужра асосида ноқонуний диний таълим бериб келаётганлиги аниқланиб, ашёвий далиллар билан қўлга олинган.

Д.Анвардан диний таълим беришда фойдаланиб келинган диний мазмундаги китоблар тадбир иштирокчилари томонидан ҳолислар иштирокида тегишли тартибда ҳужжатлаштирилган.

Мазкур ҳолат юзасидан Д.Анварга нисбатан Ўзбекистон Республикаси Маъмурий жавобгарлик тўғрисидаги кодексининг 241-моддаси билан маъмурий жавобгарлик тўғрисида баённома расмийлаштирилиб Жиноят ишлари бўйича туман судига юборилган.

• Diniy ta'lim
• Сурхондарё