Американинг The New York Times нашри ёзишича, Россия президенти Владимир Путин АҚШ президенти Доналд Трампнинг Москвага қарши янги санкциялар киритиш эҳтимолига тайёр.

“У (Путин) Трамп охир-оқибат янги санкциялар жорий қилиши мумкинлигига тайёр, чунки Оқ уй сўнгги олти ой давомида Россияга нисбатан янги чекловлар киритмаган”, — дейилади мақолада.

“Путин ҳеч қачон Вашингтоннинг Москвага нисбатан сиёсати қандай ривожланиши мумкинлиги ҳақида иллюзияга эга бўлмаган ва Россия раҳбарияти ҳамиша энг ёмонига тайёр бўлган”, – деб ёзади муаллиф манбага таяниб.

Жума куни Трамп NBC News телеканалига душанба куни Россия ҳақида муҳим баёнот беришини айтди, бироқ унинг мазмунини ошкор қилмади. Шунингдек, у Конгресснинг Россияга қарши янги санкциялар тўғрисидаги қонун лойиҳасини Сенат қабул қилиш истиқболи бутунлай унинг ўз қарорига боғлиқ бўлишини таъкидлади.

• АҚШ
• Путин
• Россия
• Санкция
• Трамп