Бу ҳақда Франция президенти Эммануэл Макрон Х ижтимоий тармоғидаги саҳифасида маълум қилди.

“Франциянинг денгизорти ҳудуди бўлган Янги Каледония сиёсий ҳаракатлари янги давлат тузиш бўйича келишувга эришилганини эълон қилди. Янги давлат муайян даражада автономияга эга бўлади, бироқ Франциядан тўлиқ мустақилликка эришмайди”, – дея хабар бермоқда Politico.

Нашр маълумотларига кўра, мустақиллик тарафдорлари ва унга қарши бўлганлар ўртасидаги муросавий келишув 12 июль куни Париж яқинидаги Буживал шаҳрида имзоланган.

Les Nouvelles Calédoniennes газетасининг ёзишича, ушбу келишувга кўра, Янги Каледония фуқаролари алоҳида фуқароликка эга бўлади ва уларда икки хил паспорт олиш ҳуқуқи мавжуд. Янги давлатга мустақил ташқи сиёсат юритиш ваколатлари ҳам берилади, Франция эса Янги Каледониянинг иқтисодий ривожланишига ёрдам беришга мажбур бўлади.

Мазкур янги давлат ҳақидаги келишув кучга кириши учун уни Франция парламенти ва Янги Каледонияда ўтказиладиган референдум тасдиқлаши лозим.

• Fransiya
• Макрон
• shartnoma