Табиат ресурслари вазирлигида Табиат ресурслари вазири Азиз Абдуҳакимов ва БМТ Бош котиби ўринбосари, БМТ Европа иқтисодий комиссияси ижрочи котиби Олга Алгаерова ўртасида учрашув бўлиб ўтди.
Учрашувда Бирлашган Миллатлар Ташкилотининг Европа иқтисодий комиссияси билан атроф-муҳитни муҳофаза қилиш соҳасида амалга оширилаётган қўшма лойиҳа ва ташаббуслар ҳамда келажакдаги ҳамкорликнинг истиқболли йўналишлари муҳокама қилинди.
Шунингдек, хорижий тажрибани ҳисобга олган ҳолда “яшил” иқтисодиётга босқичма-босқич ўтиш, рақамли технологияларни кенг жорий этиш, экологик таълим ва маданиятни юксалтириш, кадрлар салоҳиятини ошириш муҳимлиги таъкидланди.
Атроф-муҳитнинг ҳолати ва табиий ресурслардан фойдаланиш бўйича Ўзбекистоннинг миллий маърузасини тайёрлаш, ҳамкорликни мустаҳкамлаш ва мамлакатимизнинг БМТ Европа иқтисодий комиссиясининг экологик конвенсияларига қўшилиш имкониятларига доир масалалар муҳокама қилинди.
– “Яшил энергия” соҳасида инновацион лойиҳаларни кенг жорий этиш, иқлим ўзгаришининг олдини олиш бўйича стратегик муҳим дастурларни ишлаб чиқиш ва экологик таълим борасида олиб борилаётган изчил ишлар ўзаро ҳамкорликни кенгайтиришда муҳим аҳамият касб этади, – деди Азиз Абдуҳакимов.
БМТ томони Ўзбекистон Республикасининг чўлланиш бўйича глобал тадбир (УНCCД CРИC-21), жорий йилнинг кузида Самарқандда бўладиган Ёввойи ҳайвонларнинг кўчиб юрувчи турларини сақлаб қолишга доир Конвенсиясининг 14-Томонлар конференсияси (CМС CОП-14) ва Бутунжаҳон туризм ташкилоти (УНWТО) Бош Ассамблеясининг 25-сессиясини ўтказиш ташаббусини юқори баҳолади ҳамда ушбу тадбирларда фаол иштирок этишга тайёрлигини билдирди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!