Бош прокуратура ҳузуридаги Департаментнинг Чортоқ туман бўлими томонидан ДХХ ходимлари билан ҳамкорликда ўтказилган тезкор тадбирда фуқаро Ш.А. (муқаддам судланган) тадбиркор Н.О.га туман деҳқон бозори ҳудудида жойлашган “Ч.Т” МЧЖга қарашли, электр трансформатор пункти ўрнатилган 49 кв. метр ер майдонини гўёки электр тармоқлари корхонасида ишловчи танишлари ёрдамида 21 000 АҚШ доллари эвазига расмийлаштириб олиб беришини ваъда қилган.

Олдиндан 6 000 АҚШ доллари ва 24 млн сўмни олган вақтида ашёвий далиллар билан ушланган. Бу ҳақда Иқтисодий жиноятларга қарши курашиш департаменти хабар берди.

Мазкур ҳолат юзасидан Жиноят кодексининг 25, 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.

• Чортоқ
• Фирибгарлик
• Пора
• Тадбиркорлик