Украиндаги коррупцияга қарши кураш бўйича нодавлат ташкилотлар ҳисобланган “НАБУ” va “САП” дронларни сотиб олиш бўйича коррупсиявий схемада гумон қилинган тўрт кишини ҳибсга олди.

Миллий коррупцияга қарши бюро(НАБУ) va ихтисослаштирилган коррупцияга қарши прокуратура(САП) Украина халқ депутатлари, туман ҳамда шаҳарлардаги ҳарбий va фуқаролик маъмуриятларининг раҳбарлари, миллий гвардия ҳарбий хизматчиларининг бир қанча вакиллари пора билан қўлга тушганликларини эълон қилди.

Мазкур ташкилотлар кучли норозиликлар фонида ҳибсга олинганларнинг исмларини айтмадилар.

Аммо қўлга олиниш воқеасидан атиги бир неча соат вақт ўтиб, “Халқ хизматчиси“ фракцияси раҳбари Давид Арахамия партия депутати Алексей Кузнетсовнинг партияга аъзолиги тўхтатилганини эълон қилди.

Шунга кўра, таҳлилчилар қўлга олинганлардан бири айнан Кузнетсов эканлигини таъкидламоқда.

Коррупцияга қарши кураш бўйича икки мустақил ташкилотнинг ҳисоботларида айтилишича, дронлар бўйича шартномалар атайин оширилган нархларда тузилган va шартноманинг 30 фоизигача миқдорида схема иштирокчиларига қайтарилиш шаклида бўлган.

• Қурол
• Украина
• Уруш
• дрон