Бош прокуратура ҳузуридаги Департаментнинг Бекобод тумани бўлими томонидан ўтказилган терговга қадар текширувда ”Н.С.” оилавий корхонаси раҳбари Ш.Д. хусусий клиник шифохонасида тижорат мақсадида электр тармоғига ўзбошимчалик билан тўғридан-тўғри уланиб, 286,6 млн сўмлик электр энергиясидан ноқонуний фойдаланганлиги аниқланган.

Шунингдек, Департаментнинг Касби ва Муборак тумани бўлимлари томонидан ўтказилган терговга қадар текширувларда “М.М.” фермер хўжалиги раҳбари М.А. ва фуқаро Д.О. ер майдонларида тижорат мақсадида сув насосини умумий фойдаланишдаги электр тармоғига ўзбошимчалик билан тўғридан-тўғри улаб, жами 227,8 млн сўмлик электр энергиясидан ноқонуний фойдаланганликлари аниқланган.

Мазкур ҳолатлар юзасидан Жиноят кодексининг 169-моддаси (ўғрилик) билан жиноят ишлари қўзғатилиб, тергов ҳаракатлари ўтказилмоқда.

• Электр энергияси
• Elektr stansiya
• Elektronika
• elektr