Бош прокуратура ҳузуридаги Департаментнинг Поп тумани бўлими ва ИИБ ходимлари ҳамкорлигида “Қамчиқ” довони ЙПХ масканида ўтказилган тезкор тадбирда тамаки маҳсулотларининг ноқонуний савдоси билан шуғулланиб келган фуқаро М.Ш.нинг(муқаддам судланган) бошқарувидаги “Лаcетти” русумли автомашинаси тўхтатилиб кўздан кечирилганда автомашина салонида хорижий давлатларда ишлаб чиқарилган 5 000 қути акциз маркасиз тамаки маҳсулотларини Тошкент шаҳрига сотиш мақсадида олиб кетаётганлиги аниқланиб, ушбу маҳсулотлар ашёвий далил сифатида олинган.

Мазкур ҳолат юзасидан Жиноят кодексининг 186-1-моддаси(этил спирти, алкоголли маҳсулот ва тамаки маҳсулотини қонунга хилоф равишда муомалага киритиш ёки ишлаб чиқариш) билан жиноят иши қўзғатилиб, тергов ҳаракатлари ўтказилмоқда.

• ИИБ
• Наманган
• Тамаки
• savdo