Самарқанд вилояти ҳокимлигининг маълум қилишича, Самарқанд шаҳрининг Чўпон-ота ҳудудида давлат-хусусий шериклик асосида барпо этилган янги Самарқанд автовокзали фойдаланишга топширилган.

Ушбу лойиҳани амалга ошириш учун 12 миллион АҚШ доллари миқдорида маблағ йўналтирилган. Янги автовокзал замонавий архитектура, энергия тежамкор ечимлар ва хавфсизлик стандартлари асосида қурилганлиги маълум қилинди.

Хабарга кўра, автовокзал нафақат транспорт маркази, балки кенг кўламли хизмат кўрсатиш ва савдо ҳудуди сифатида ҳам фаолият юритади. Бу ерда 120 та савдо дўкони, 3 та замонавий ресторан, 14 та сервис шоҳобчаси, 1 та автосалон, 2 та меҳмонхона жойлашган.

Янги автовокзалнинг ишга туширилиши натижасида 300 нафар аҳоли учун доимий иш ўрни яратилган.

• Самарқанд
• Transport vazirligi