Туркия президенти Ражаб Тоййиб Эрдўған Истанбулда ёшлар билан бўлиб ўтган учрашувда тамаки чекишга қарши янги тартиб ўрнатилиши ҳақида гапирган. Бу ҳақда Андолу агентлиги хабар берди.

Туркия раҳбари: “Тамаки саноати жамиятимизнинг барча қатламларини, айниқса, болаларни нишонга олаётанини кўрмоқдамиз. Чекишнинг барча зарарларига қарамай, тамаки саноати ҳар йили етти юз миллиард доллар фойда олишда давом этмоқда” деган.

Туркияда ҳар йили 85 минг киши чекиш билан боғлиқ касалликлар туфайли ҳаётдан кўз юмади. “Шунингдек, дунёда ҳар куни 20 минг киши чекиш сабаб келган касалликлар туфайли вафот этади”, - деган Эрдўған ўз нутқида.

Йиғилишда Эрдўған 9 ёшли боланинг “Тамаки фабрикаларини ёпсак бўладими?”, - деган саволига “Балки!” деб жавоб берган.

Шунингдек, Туркияда “Британия модели”га мувофиқ 2009 йилдан кейин туғилганларга умрбод сигарет чекишни тақиқловчи қонун ишлаб чиқилиши мумкин.

• Тамаки
• Туркия
• zavod