Истиқболли лойиҳалар миллий агентлиги электрон тижорат бошқармаси бошлиғи Хитойнинг Temu маркетплейси Ўзбекистон ҳудудида блокланиши мумкинлигини маълум қилди. 

Унга кўра, 2025 йилнинг 1 июлидан Ўзбекистонда халқаро платформалар учун янги қоидалар, жумладан, хабардор қилиш тартиби ва электрон тижорат субъектларининг махсус реестри жорий этилади. Асосий талаб — мамлакатда фаолиятни қонунийлаштириш ва резидент юридик шахсни рўйхатдан ўтказиш бўлиб, у 2024 йилнинг 28 декабридан кучга кирган.

Шунингдек, агентлик уларнинг қонуний бизнес ҳуқуқлари ва манфаатларини ҳимоя қилишни таъминлашга, Ўзбекистон бозорига расман киришда ёрдам кўрсатишга тайёр экани таъкидланган. Лекин Temu’дан бунга қизиқиш билдирилмаган. Шу боис агар шартлар бажарилмаса, уларнинг фаолияти тўхтатилиши, ҳатто блокировка қилиниши мумкин. 

Ушбу мобил илова ўтган йил охиридан бери Ўзбекистондаги энг оммабоп иловалар бири ҳисобланади. Ҳозирда Хитой маркетплейси App Store’да иккинчи ўринни эгалласа, Google Play’да эса етакчилик қилади. 

• Хитой
• ilova
• тақиқ