Тожикистоннинг “Сўғд” нимстансияси ва Ўзбекистоннинг “Янги Сирдарё” нимстансиясини боғловчи 22 километр узунликдаги 500 киловольтлик янги электр узатиш линияси қурилади. У Тожикистондаги Роғун гидроэлектр станцияси электр энергиясини узатиш схемасининг асосий таркибий қисмига айланади.

Осиё тараққиёт банки Тожикистон электр тармоқларини қўшни Ўзбекистон билан ўзаро боғланиш орқали Марказий Осиёнинг ягона энергия тизимига қайта улаш лойиҳаси учун 15 миллион доллар миқдорида қўшимча грант маблағлари ажратилишини маъқуллади.

Марказий Осиё энергетика тизими мамлакатлари, жумладан, Қозоғистон, Қирғизистон, Тожикистон ва Ўзбекистон ўртасида электр энергияси экспорти ва импорти бўйича қувватларни ошириш, шунингдек, тармоқ носозликларининг олдини олиш учун инфратузилмани мустаҳкамлашга хизмат қилиши кутилмоқда.

• Электр энергияси
• Тожикистон