“Тошкент метрополитени” ДУК матбуот хизмати хабар беришича Тошкент метроси яна 3 та поезд билан тўлдирилади.

“Декабрь ойида Тошкент метрополитени биринчи марта бир кунда бир миллиондан ортиқ йўловчига хизмат кўрсатди. Ушбу қувончли хабарнинг давоми сифатида бугун, байрам кунида метро вагон депосига 3 та янги таркиб (12 та вагон) келтирилди” – дейилади хабарда.

Ушбу таркиблар белгиланган йўриқномага мувофиқ 9-10 кун давомида техник синовдан ўтказилади, шундан сўнг йўловчиларга хизмат кўрсатиш учун фойдаланишга топширилади.

• Metropoliten
• Ўзбекистон
• Поезд