Президент Шавкат Мирзиёев раислигида туризмни янада ривожлантириш бўйича устувор масалалар юзасидан видеоселектор йиғилиши бўлиб ўтди. Видеоселекторда пойтахтда қурилган ҳамда йилига 4 миллиондан зиёд одам ташриф буюраётган  "Тashkent city”, “Tashkent mall”, “Magic city” каби туризм масканлари барпо этилгани эътироф этилди.  Бу масканларга ташриф буюраётганларнинг 35 фоизидан кўпи хорижий туристлар ҳисобланади.

Шундай бўлсада, пойтахт ҳокимлиги ўз ташаббуси билан янги таклифлар билан чиқмаётгани танқид қилинди.

Шу боис Тошкент шаҳри ҳокимининг туризм масалалари бўйича ўринбосари Ф.Давруков ўз лавозимидан озод этилди. Бош вазирга туризм бўйича ҳар бир ҳоким ўринбосари ишига баҳо бериш топширилди. Бундан ташқари, туристлар учун “магнит” бўладиган бирорта замонавий аквапарк йўқлиги қайд этилди. Табиий кўллар атрофидаги туризм имкониятлари ишга солинмаётгани ҳам алоҳида таъкидлаб ўтилди.

Шунингдек, мутасаддиларга аквапарк ва бассейнлар ташкил этиш бўйича лойиҳаларни кўпайтириш, кўллар бўйича мастер режа ишлаб чиқиб, атрофини лотларга бўлиб, тадбиркорларга таклиф этиш топширилди.

• Шавкат Мирзиёев
• Видеоселектор