Тошкент вилоятининг Чиноз туманида электропоезд 36 ёшли аёлни босиб кетди. Ҳодиса оқибатида аёлнинг танаси иккига бўлиниб кетгани акс этган видео ижтимоий тармоқларда тарқалди.

Транспорт прокуратурасининг маълум қилишича, 4 июнь куни соат 06:20 да Ховос – Тошкент йўналишидаги 6453-сонли шаҳарлараро электропоезди Чиноз – Олмазор бекатлари оралиғида ҳаракатланиб ўтаётган вақтида 1987 йилда туғилган аёл M.С.ни уриб юборган. Оқибатда у воқеа жойида вафот этган.

Дастлабки маълумотларга кўра, М.С. эпилепсия касаллигига чалингани ва бир неча марта уйидан чиқиб кетгани аниқланган.

Мазкур ҳолат юзасидан суд-тиббий экспертизаси тайинланган. Ҳозирда Тошкент транспорт прокуратураси томонидан терговга қадар текширув олиб борилмоқда.

• O'lim
• Поезд
• Toshkent viloyati