Тезкор тадбир натижасида Тошкент вилоятида нарколаборатория ташкил этган Украина ва Озарбайжон фуқаролари ушланди. Бу ҳақда ДХХ хабар берди.

Қайд этилишича, 1998 йилда туғилган Украина фуқароси ва 2001 йилда дунёга келган Озарбайжон фуқароси вақтинча истиқомат қилаётган Юқори Чирчиқ туманидаги хонадонда 411 гр “Альфа-ПВП” синтетик гиёҳвандлик воситаси, 7 кг.га яқин ярим тайёр наркотик моддалар ҳамда 237 кг прекурсорлар борлиги аниқланиб, процессуал тартибда расмийлаштириб олинган.

Хабарда айтилишича, улар ушбу манзилда яширин нарколаборатория ташкил этиб, хориждан келтирилган хом-ашёлар ёрдамида синтетик гиёҳвандлик воситаларини тайёрлаш ва сотиш билан шуғулланишган.

Шунингдек, ҳозирда ушбу ҳолат юзасидан жиноят ишлари қўзғатилиб, қонунбузарларга нисбатан қамоққа олиш тарзидаги эҳтиёт чораси қўлланилган

• ДХХ
• Toshkent viloyati