Тошкентда юк автоулови кўприк устида ағдарилиб кетди. Бу ҳақда Тошкент шаҳар ИИББ матбуот хизмати хабар берди.

Маълум қилинишича, бугун, 20 сентябрь куни тахминан соат 10:30 ларда Яккасарой тумани KXAY кўчасидаги кўприк устида ҳайдовчи, 1975 йилда туғилган В.А. бошқарувидаги “HOWO ЗЗ3” русумли давлат рақами 01 613 ТJA бўлган юк автоуловида қурилиш чиқиндиларини ортиб кетаётган бўлган.

Шу пайт ҳайдовчи бошқарувни йўқотиб кўприкнинг четки қисмига ағдарилган.

Натижада ҳайдовчи В.А. “чап қўл тирсак соҳаси эзилиб йиртилган жароҳати” билан касалхонага олиб борилган. Ҳозирда ҳолат юзасидан терговга қадар текширув ўтказилмоқда.

• Бахтсиз ҳодиса
• Тошкент