Президент Шавкат Мирзиёев кеча мустақилликнинг 34 йиллиги муносабати билан ўтказилган байрам тадбирида ёшлар ва илм-фан масалаларига ҳам алоҳида эътибор қаратди. Давлат раҳбари нутқи давомида айниқса, турли фан олимпиадаларида нуфузли ўринларни эгаллаган йигит-қизларнинг натижалари тимсолида бўлажак Хоразмий, Берунийларни кўришини таъкидлади.
“Биз Мустақил Давлатлар Ҳамдўстлиги мамлакатлари ўртасида кимёдан иккинчи, математика ва иқтисодиётда учинчи, АТ ва география бўйича тўртинчи ўринни эгаллаган ўғил-қизларимиз тимсолида бўлғуси Хоразмийлар, Берунийлар, Ибн Синоларни кўрамиз.
Сафлари тобора кенгайиб бораётган бундай интилувчан, истеъдодли ёшлар – Янги Ўзбекистоннинг олтин авлоди, ғуруримиз тимсолидир.
Бугунги унутилмас дамларда мен бутун Ўзбекистон ёшларига қарата айтмоқчиман.
Азиз фарзандларим, доимо йодда тутинг: бахт – интилганники, ғалаба – курашганники. Келажакни мардлар, тарихни ғолиблар яратади.
Ҳамиша олдинга қараб интилинг, баҳодир ўғлонларим, оқила қизларим!
Сизларнинг эзгу ишларингизда Ватан, халқ, Президент барчангизга ҳамиша таянч ва суянч бўлади” – деди Президент.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!