“Ўзбекистон-2030” тараққиёт стратегиясининг 2024 йилги давлат дастури лойиҳасига мувофиқ, Тошкент шаҳрида ойнинг бир иш куни “Автомобилсиз кун” бўлади. Бу ҳақда “Ўзбекистон – 2030” стратегиясини “Ёшлар ва бизнесни қўллаб-қувватлаш” йилида амалга ошириш бўйича давлат дастурига оид президент фармони лойиҳасида келтирилган.

Бунда биноси Тошкент шаҳрида жойлашган барча республика ва ҳудудий ижро этувчи органларининг раҳбар ва ходимлари жамоат транспортида иш жойига келиши орқали аҳолига намуна кўрсатиб бориши келтирилган.

Мазкур банднинг тўлиқ, сифатли ва сўзсиз бажарилиши учун масъуллар этиб Экология, атроф-муҳитни муҳофаза қилиш ва иқлим ўзгариши вазирлиги (Азиз Абдуҳакимов), Транспорт вазирлиги (Илҳом Махкамов) ва Тошкент шаҳри ҳокимлиги (Шавкат Умурзоқов, ҳоким в.б.) белгиланди.

• Автобус
• Ҳокимлик
• Жамоат транспорти
• Метро
• Қонун
• Тошкент