Наманган вилояти “Косонсой туман йўллардан фойдаланиш” унитар корхонаси ишчиси ўзганинг ишончига кириб, гўёки ўзида қалбаки 20 минг АҚШ доллари борлигини ва уни ҳақиқий 14 минг АҚШ долларига сотишини айтади.

Давлат хавфсизлик хизмати ва Иқтисодий жиноятларга қарши курашиш департаменти ходимлари ҳамкорлигида ўтказилган тезкор тадбирда, унитар корхона ишчиси ўзаро келишув доирасида харидорга қалбаки 8 минг АҚШ долларини берган вақтида ашёвий далиллар билан ушланган.

Шунингдек, у мазкур қалбаки хорижий валютани Косонсой туманида яшовчи, 1985 йилда туғилган шахсдан олганлиги аниқланиб, ушбу фуқародан ҳам юқоридаги келишув доирасидаги сохта 6 минг АҚШ доллари процессуал тартибда расмийлаштириб олинган.

Терговга қадар текширув давомида, 1985 йилда туғилган шахс ушбу қалбаки валюталарни Косонсой туманида истиқомат қилувчи, 1992 йилда туғилган фуқародан олганлиги аниқланиб, у ҳам процессуал тартибда ушланган.

Ҳолат юзасидан қонунбузарларга нисбатан Жиноят Кодексининг 176-моддаси 3-қисми “а” банди билан жиноят иши қўзғатилиб, қамоқ эҳтиёт чораси қўлланилиб, ҳозирда дастлабки тергов ҳаракатлари олиб борилмоқда.

• ДХХ
• Доллар
• Фирибгарлик
• Qoidabuzarlik
• savdo