Тошкент шаҳрида фуқарони тиббиёт институтига ўқишга киритиб қўймоқчи бўлган шахс 10 йилга қамалди. Бу ҳақда Тошкент шаҳар ИИББ хабар берди.

Фуқаро С. А. ўз ўқувчиси Б.ни олийгоҳга киритиб қўйишига ишонтириб, ундан 8 минг доллар олади.

Бироқ сири фош бўлгач, фирибгарлик моддаси билан суд томонидан 2 йил 6 ойга озодликни чеклаш жазосига ҳукм қилинади.

Шунингдек, ушбу жазодан етарлича хулоса чиқармаган А. таниши М. Д.нинг ишончига кириб, уни Тошкент Педиатрия тиббиёт институтига ўқишга киритиб қўйишга ваъда бериб, аввал 16.000 сўнгра яна 2.000 жами 18.000 АҚШ доллари талаб қилди. Бироқ 2023 йилнинг 7 августида Д.дан 13.000 АҚШ доллари олаётган пайтида ходимлар томонидан ашёвий далиллар билан қўлга олинди.

Жиноят ишлари бўйича Учтепа туман суди очиқ суд мажлисида 1982 йилда туғилган, муқаддам судланган С. А.нинг қилмишини қонунан баҳолаб, уни Ўзбекистон Республикаси Жиноят кодексининг 168-моддаси 4-қисми “а” банди (“Фирибгарлик”) ва 211-моддаси 3-қисми “а” бандида (“Пора бериш”) назарда тутилган жиноятни содир этганликда айбдор деб топди. Ҳамда унга 10 йил озодликдан маҳрум қилиш жазосини тайинлади.

• Фирибгарлик
• ИИББ
• Жиноят
• Тошкент