“Биз ҳозиргина Япония билан улкан келишувга эришдик, эҳтимол, бу тарихдаги энг йирик битим бўлиши мумкин”, – деб ёзди Қўшма Штатлар раҳбари Доналд Трамп ўзининг Truth Social ижтимоий тармоғида.

Унга кўра, Япония маҳсулотларига 15 фоизлик бож жорий этилади. Аввалроқ Трамп, битимга эришилмаса, Японияга 1 августдан 25 фоизлик бож солинади, дея таҳдид қилган эди.

Трампнинг айтишича, шу келишув асосида Япония унинг кўрсатмаси билан АҚШга 550 млрд доллар инвестиция киритади. Трамп АҚШ фойданинг 90 фоизини олишини таъкидлаган аммо тафсилотларни очиқламаган.

“Япония бош вазири Сигеру Исиба бунга жавобан Трамп эълон қилган келишувни изоҳлашдан олдин унинг тафсилотларини ўрганиб чиқишим керак”, – деган.

“Музокаралар натижаларига тўхталадиган бўлсак, токи биз музокаралар ва келишув тафсилотларини батафсил ўрганиб чиқмагунимизча, мен бу борада бир нарса дея олмайман”, — деган Исиба Токиода журналистларнинг саволларига жавоб берар экан.

• АҚШ
• Битим
• Трамп
• Япония