Калифорниянинг Риверсайд округи шерифи АҚШ президентлигига номзод Доналд Трампга учинчи суиқасднинг олди олинди, деб хабар берди. Ҳодиса Калифорниядаги Коачелла водийсида Трамп сайловолди ташвиқоти митингига яқин жойда юз берди.

Хабар қилинишича, полиция ходимлари Миллер исмли шахсда ов милтиғи, ўқланган тўппонча ва юқори сиғимли журнални топиб олишган. Текшириш пунктида Миллер сохта VIP талон ва пресс ИД-ни тақдим этди. Полициянинг айтишича, қўлга олинган шахс 49 ёшда ва Лас-Вегасда яшайди.

Айбланувчи ҳибсга олиниб, тергов изоляторига олиб кетилган. У ўқотар қурол ва катта ҳажмдаги журнални ноқонуний сақлашда айбланмоқда.

“Ушбу ҳодиса собиқ президент Трампнинг ёки тадбирда иштирок этаётганларнинг хавфсизлигига таъсир қилмади”, — дейилади шериф идораси матбуот баёнотида.

• АҚШ
• Трамп
• суиқасд