Жорий йилнинг 17 август куни Туркия Республикасининг Истанбул шаҳри, Умрание туманида Самарқанд вилоятидан келиб вақтинчалик меҳнат фаолияти билан шуғулланиб келган, 35 ёшли Ўзбекистон фуқароси Н.С. эри, Ўзбекистон фуқароси У.С. томонидан рашк оқибатида пичоқлаб ўлдирилган. Бу ҳақда Ўзбекистоннинг Истанбулдаги Бош консулхонаси хабар бермоқда.

Истанбул полицияси томонидан олиб борилган қидирув ишлари давомида гумондор 18 август куни эрталаб Умрание ҳудудида қўлга олинган. Шунингдек, жиноятчини яширинишда ёрдамлашганликда гумон қилинаётган, асли Жиззах вилоятидан бўлган Б.О. ҳам полиция томонидан ушланган.

Суриштирув ишлари якунига етгач, 19 август куни гумонланувчиларга нисбатан суд томонидан қамоққа олиш эҳтиёт чораси қўлланилиб, ҳозирда ҳодиса юзасидан тергов ишлари давом этмоқда.

“Марҳуманинг жасадини Ўзбекистонга юбориш бўйича зарур ҳужжатлар расмийлаштирилди ҳамда Ўзбекистон Республикаси Вазирлар Маҳкамаси ҳузуридаги Миграция агентлиги томонидан ёрдам кўрсатилмоқда”, – дейилади консулхона хабарида.

• Истанбул
• Konsullik
• Ўзбекистонлик
• Қотиллик
• Туркия
• fuqaro
• хабар