Бугун, 14 март куни Австралияда ўтказилаётган футбол бўйича аёллар ўртасидаги Осиё кубоги чорак финалида Ўзбекистон терма жамоаси жаҳон чемпионати йўлланмаси учун Жанубий Корея термасига қарши майдонга чиқади.

Ушбу ўйин Сидней шаҳрида ташкил этилади. Мазкур баҳс ғолиби 2027 йилда Бразилияда бўлиб ўтадиган Жаҳон чемпионати йўлланмасига эга бўлади. Мағлуб жамоа эса мундиал йўлланмаси учун чорак финалнинг бошқа бир жуфтлигида мағлуб бўлган иштирокчи беллашади.

Маълумот учун, “Б” гуруҳидан жой олган Ўзбекистон терма жамоаси дастлабки икки турда Хитой ва Шимолий Кореядан қабул қилиб олинган йирик мағлубларда сўнг, 3-турда Бангладеш устидан қозонилган ғалаба эвазига плей-офф босқичига йўлланмани қўлга киритганди.

Мусобақа регламентига кўра, гуруҳда учинчи ўринни эгаллаган жамоалар орасидан энг яхши натижа қайд этганлар плей-офф босқичига йўл оларди. Бўлажак рақиб Жанубий Корея эса “А” гуруҳида Эрон ва Филиппинни мағлуб этган. Шунингдек, жамоа Австралия билан дурранг қайд этган ҳолда, гуруҳда 7 очко билан 1-ўринни эгаллаб, чорак финалга йўл олган.

• Австралия
• Аёллар
• Футбол
• Жаҳон чемпионати