“Меҳнат бозорида амалга оширилган чора-тадбирлар натижасида 5,4 млн аҳоли даромадли меҳнат билан таъминланди”, – деб хабар бермоқда вазирлик матбуот хизмати. Шундан 1,3 млн нафари доимий ишга жойлаштирилган бўлса, 2,1 млн нафари эса тадбиркорликка жалб қилинган.

Кичик ва ўрта бизнесни қўллаб-қувватлаш мақсадида 134 трлн сўм кредит маблағлари ажратилди.

Вазирлик маълумотига кўра аҳоли бандлигини таъминлаш мақсадида қуйидаги лойиҳалар амалга оширилган:

– “Камбағалликдан фаровонлик сари” дастури доирасида 761 мингта оиланинг (3,2 млн аҳоли) имкониятлари ва эҳтиёжлари ўрганилиб, улар учун “индивидуал режалар” ишлаб чиқилган. Ушбу режалар асосида 523 мингта камбағал оила (2,3 млн аҳоли) даромадини оширишга қаратилган хизматлар билан қамраб олинган.

– Камбағал оилаларнинг тадбиркорлик ташаббусларини қўллаб-қувватлаш мақсадида 2,2 трлн сўм кредит ажратилди ва 265 млрд сўм маблағлар молиявий кўмак сифатида берилган.

Шунингдек, маҳаллаларда ҳоким ёрдамчилари ташаббуси билан 410 мингга яқин микролойиҳалар ишга туширилиб, 840 минг нафар аҳолининг даромади оширилган.

• Bandlik
• Ҳисобот
• Лойиҳа
• Вазирлик