Туркманистонда йил давомида нефтчилар томонидан 580,8 минг тоннадан ортиқ “қора олтин” ишлаб чиқарилди. Бу ҳақда “Anadulu” агентлиги хабар берди.

Қайд этилишича, бу 2022 йилга нисбатан 15,5 фоизга кўпдир.

Шунингдек, “Туркманнефт” давлат концернининг “Гумдагнефт” нефть ва газ қазиб олиш бошқармаси мутахассислари 2023 йилда нефть қазиб олиш бўйича янги рекорд ўрнатди.

Йиллик режанинг бажарилиши 112,6 фоизни ташкил этади.

Айни пайтда “Гумдагнефт” ишчи-хизматчилари 2024 йил январь ойининг режасини муддатидан олдин ва ортиғи билан бажаришни мўлжалламоқда. Бугунги кунга қадар улар қўшимча 4,4 миллион куб метр газ қазиб олишга муваффақ бўлган.

• Туркманистон
• нефть