Ўзбекистон ва Туркманистон ўртасида газ етказиб бериш бўйича қисқа муддатли шартнома имзоланди. Бу ҳақда Энергетика вазири Жўрабек Мирзамаҳмудов Туркманистон давлат порталига берган интервьюсида маълум қилди.

Вазирнинг сўзларига кўра, мамлакат йилига 2 миллиард куб метргача туркман газини олади.

“Табиий газ Ўзбекистоннинг ички эҳтиёжлари учун ишлатилади ва ортиб бораётган талабни қондиришга хизмат қилади”, – деди Мирзамаҳмудов.

Томонлар, шунингдек, етказиб бериш ҳажмини ошириш билан узоқ муддатли шартномани ишлаб чиқиш, электр энергиясини учинчи давлатларга етказиб бериш ва транзит қилиш, нефт маҳсулотларини етказиб бериш ва қўшма лойиҳаларни амалга ошириш соҳасида ўзаро ҳамкорлик масалаларини ҳам муҳокама қилдилар.

• Газ
• Транзит
• Туркманистон