Юнонистоннинг пойтахти Афинада Исроилнинг Ғазога уюштирган ҳужумларига норозилик билдириш ва Фаластин халқи билан бирдамликни ифодалаш мақсадида Фаластинни қўллаб-қувватлаш намойиши ўтказилди.

Anadolu агентлигининг ёзишича, Юнонистон парламентидаги Греция Коммунистик партиясига (ККЕ) алоқадор Ишчилар касаба уюшмаси ПАМЕ чақирган норозилик намойиши учун ишчилар, давлат хизматчилари, пенсионерлар ва талабалар Синтагма майдонидаги парламент биноси олдида тўпланди.

Касаба уюшмалари вакилларининг чиқишлари билан бошланган намойишда Исроилнинг Ғазога ҳужумларини зудлик билан тўхтатиш талаб қилинган.

Парламент олдида Ғазода ҳалок бўлган болалар ва гўдакларнинг оқ кафанга ўралган макетлари қўйилган. Ғазодаги тинч аҳоли ўлимини таъкидлаш учун оломон орасидан макет тобут ҳам олиб ўтилган.

Фаоллар Фаластинга озодлик чақирувчи шиорлар айтишди. Бошқа бир намойишчи: “Бугун Ғазода содир бўлаётган воқеаларни тушуниб бўлмайди.

Болалар ўлмоқда. Одамлар фақат бир коса овқат олиш учун у ёқ-бу ёққа югуришади. Бизнинг замонда бундай нарсалар бўлиши мумкин эмас. Уларни тўхтатиш керак”, – деди.

PAME чақириғи билан бугун Грециянинг 40 дан ортиқ шаҳарларида, хусусан Афина ва Салоникида Фаластинни қўллаб-қувватлаш учун намойишлар ўтказилгани маълум қилинди.

• Фаластин
• Греция
• Isroil
• Намойиш