Францялик собиқ футболчининг фикрича, “Олтин тўп” соҳиби аллақачон маълум.

28 май куни “Реал Мадрид” Чемпионлар лигаси финалида “Ливерпул”ни мағлуб этди (1:0).

“France Football нашрига ва “Олтин тўп” ғолибига овоз берганларга бир нарса айтмоқчиман.

Овоз беришни ўтазмасангиз ҳам бўлаверади. Бензема ғалаба қозонади, тамом”, – деди собиқ франсиялик ҳужумчи Чемпионлар лигаси финалидан кейин эфирда.

Эслатиб ўтамиз, Карим Бензема “Реал” билан бешинчи марта Чемпионлар лигасида ғолиб чиқди. Аввалроқ, франсиялик футболчи 2013/14, 2015/16, 2016/17 ва 2017/18-йилги мавсумларда турнир ғолиби бўлган.

Маълумот ўрнида, ҳужумчи жорий мавсум Мадрид клуби сафида барча турнирларда 45 та ўйинда майдонга тушиб, 44 та гол урди.

• Олтин тўп
• Бензема
• Футбол
• Real