Chess.com платформасида онлайн классик шахмат бўйича Champions Chess Tour халқаро мусобақаси старт олди.

Турнирда ўзбекистонлик гроссмейстер Нодирбек Абдусатторов ҳам иштирок этмоқда. Биринчи кун якунига кўра, Нодирбек саралашнинг икки учрашувида зафар қучиб, ярим финалга йўл олди. Абдусатторов 1/8 финалда беларуслик Денис Лазавикни 3:1 ҳисобида таслим этди.

1/4 финалда хитойлик Ве Йидан 2,5:1,5 ҳисобида устун келди. Унинг ярим финалдаги рақиби норвегиялик афсона Магнус Карлсен бўлади. Магнус ярим финал йўлида полшалик Ян-Кшиштофф Дуда ва франциялик Максим Вашье-Лагравни мағлубиятга учратди.

Аҳамиятлиси, Абдусатторов кечаги иштироки орқали 8 июль — 24 август кунлари Саудия Арабистонининг Ар-Риёд шаҳрида бўлиб ўтадиган киберспорт бўйича Жаҳон кубогига йўлланмани қўлга киритди.

• Nodirbek Abdusattorov
• Шахмат