Бугун Швециянинг Малмё шаҳрида шахмат бўйича “Теpе Sigeman 2025” турнири давом эттирилади.
Кеча мусобақанинг бешинчи тур беллашувлари ташкил этилган эди.
Унда ўзбекистонлик гроссмейстер Жавоҳир Синдаров қора доналарда венгриялик Ричард Раппортга қарши ўйнаб, дуранг қайд этди. Бу натижадан кейин Синдаровнинг очколари сони 3.5 тага етиб, турнир жадвалида якка пешқадамга айланиб олди.
Бугун турнирнинг олтинчи раунди доирасида Жавоҳир Швеция вакили Нилс Гранделиус билан тўқнаш келади. Гранделиус айни дамда 2.5 очко билан тўртинчи поғонада бормоқда.
Мусобақада 8 нафар шахматчи иштирок этмоқда ва у 7 турда иборат. Синдаров бугун ғалаба қозонса очколарини 4.5 тага етказган ҳолда якка пешқадамга айланиб олади.
Маълумот учун, турнирнинг сўнгги тур баҳслари 26 май куни ўтказилади.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!