Ўзбекистонлик аралаш яккакураш устаси Рамазон Темировнинг дунёнинг энг кучли ММА Лигасидаги иккинчи жанги расман тасдиқланди.

Ўзбекистонлик жангчи 1 март куни Қўшма Штатларнинг Лас-Вегас шаҳрида ташкил этиладиган UFC турнири доирасида америкалик Чарлз Жонсонга қарши октагонга чиқади. Лига матбуот хизмати шу ва карддан ўрин олган яна иккита жангни расман тасдиқлаб, унинг постерини ҳам намойиш этган. 

Маълумот учун, Чарлз Жонсон айни пайтда вазн рейтингида 12-ўринни эгаллаб турибди. У ўзининг ММАдаги профессионал фаолияти давомида 17 ғалаба ва 8 мағлубият қайд этган. Ҳозирда 4 та ғалабали серия билан келмоқда. 33 ёшли Жонсон сўнгги жангини 2024 йилнинг 19 октябрь куни UFC Fight Night 245 турнири доирасида Су Мудаержига қарши ўтказиб, ҳакамларнинг якдил қарори билан ғалаба қозонган. Темиров эса 13 октябрь куни АҚШ вакили Си Жей Вергарани биринчи раунддаёқ нокаутга учратиб, кучли лигадаги дебютини муваффақиятли ўтказган эди.

• Ramazon
• UFC