Франция раҳбари бу ҳақда Франция Қуролли кучларига қилган нутқида айтиб ўтди.

“Украинага узоқ муддатли хавфсизлик кафолатларини бериш муҳим ҳисобланади. Ҳарбий ҳаракатлар тўхтаганидан кейин урушнинг Украина ҳудудига қайтмаслигини кафолатлаш зарур. Бу чора-тадбирлар нафақат Киев учун, балки бутун Европа барқарорлиги учун асос бўлади. Европада тинчлик ва хавфсизликка эришиш европаликлар иштирокисиз ва уларнинг ўзаро музокараларисиз имконсиз”, – деган Макрон.

Франция президенти, шунингдек, шу йилнинг май ойига қадар Франциянинг миллий мудофаа стратегиясини қайта кўриб чиқишни буюрган. Францияга тегишли бу стратегия мамлакатнинг глобал мудофаа ва қайта қуролланиш асосларини белгиловчи ҳужжат ҳисобланади.

Бундан ташқари, Макрон Францияда ихтиёрий сафарбарлик эълон қилган. Унинг фикрича, бу Украинадаги ҳарбий амалиётлардан кейин келажакда юзага келиши мумкин бўлган эҳтимолий таҳдидлар сабабли Франция армиясини кучайтириш йўлидаги муҳим қадам ҳисобланади.

• Birinchi jahon urushi
• Fransiya
• Макрон
• Мурожаат
• Россия
• Украина