Буюк аллома ва қомусий олим Беруний меросини кенг тарғиб қилишга қаратилган чора-тадбирларнинг мантиқий давоми сифатида Урганч давлат университетига Абу Райҳон Беруний номи берилди.

Абу Райҳон Беруний жаҳон илм-фанининг етук намоёндаларидан бири бўлиб, у математика, астрономия, география, тарих ва бошқа кўплаб фанлар ривожига улкан ҳисса қўшган. Унинг илмий асарлари нафақат Марказий Осиё, балки дунё миқёсида юқори қадрланади. Университетга унинг номи берилиши ёш авлоднинг илм-фан ва инновацияга бўлган қизиқишини янада оширишга хизмат қилади.

Ушбу Олий таълим муассасасига Абу Райҳон Беруний номининг берилиши нафақат университет обрўсини оширади, балки талабаларга, ёш олимларга улуғ алломанинг илмий меросини чуқур ўрганиш ва кенг тарғиб қилишда катта масъулият юклайди. Қолаверса, олий ўқув юртининг халқаро майдондаги ўрнини янада мустаҳкамлашга хизмат қилади. Беруний номи остида университет дунёнинг етакчи илмий марказлари билан ҳамкорликни янада ривожлантириши, талаба ва ўқитувчилар алмашинуви дастурларини кенгайтириши кутилмоқда.

• Университет
• Urganch